غیر ملکی طاقتوں نے بلوچستان میں ٹرین پر حملہ کیا، حنیف عباسی

لاہور (پاک صحافت) وفاقی وزیر ریلوے حنیف عباسی کا کہنا ہے کہ غیر ملکی طاقتوں نے بلوچستان میں ٹرین پر حملہ کیا، حکومتی سطح پر فیصلہ ہوچکا ہے کہ دہشت گردوں سے مقابلہ کیا جائے گا۔

حنیف عباسی نے اپنی پریس کانفرنس میں کہا کہ سیکیورٹی فورسز کو خراجِ تحسین پیش کرتے ہیں۔ اُنہوں نے کہا کہ ساری دنیا اس دہشت گردی کی مذمت کر رہی ہے لیکن کچھ ملک دشمن عناصر نے اس سانحہ کو مذاق بنانے کی کوشش کی ہے۔

وفاقی وزیرِ ریلوے نے بتایا کہ ایک ریلوے پولیس ملازم بھی شہید ہوا ہے، پاکستان ریلوے کو بہتری کی طرف گامزن کرنے جا رہے ہیں، ٹریک کے حالات ٹھیک کرنے کی کوشش کر رہے ہیں۔ اُنہوں نے بتایا کہ اپنے وسائل سے ایم ایل ون بہت جلد مکمل کریں گے۔