اسلام آباد (پاک صحافت) مصدق ملک کا کہنا ہے کہ عمران کی صحت ٹھیک، بجلی بندش کی بات ناقابل قبول ہے۔
تفصیلات کے مطابق وفاقی وزیر پٹرولیم مصدق ملک نے کہا ہے کہ بانی پی ٹی آئی کو اس کمرے میں رکھا گیا جہاں احسن اقبال تھے، جو سیل احسن اقبال کے لیے ٹھیک عمران خان کے لیے کیوں ٹھیک نہیں؟۔
انہوں نے کہا کہ احسن اقبال کو جیل میں ایکسرسائز کی سہولیات نہیں تھی، بانی پی ٹی آئی نے تو نوازشریف کے کمرے سے اے سی اتروایا تھا، نوازشریف، شاہد خاقان عباسی بھی انڈر ٹرائل قیدی تھے۔
مصدق ملک کا مزید کہنا تھا کہ پمز ہسپتال کے بورڈ نے بھی کہا کہ بانی پی ٹی آئی کی صحت بالکل ٹھیک ہے، جیل میں بجلی بند والی بات قابل قبول نہیں، انویسٹی گیشن ہونی چاہیے۔
وفاقی وزیر پٹرولیم نے کہا کہ آئینی ترمیم کے طریقہ کار کے تحت ہی آئینی بینچ بنے گا، جو بھی جج آئینی بینچ میں آئے گا قابل قبول ہوگا۔