اسلام آباد (پاک صحافت) الیکشن کمیشن آف پاکستان کا اہم اجلاس کل طلب کرلیا گیا ہے۔
تفصیلات کے مطابق سپریم کورٹ کے فیصلے کے بعد الیکشن کمیشن نے مشاورتی اجلاس کل طلب کرلیا ہے۔ کل صبح 11 بجے ہونے والے اجلاس کی صدارت چیف الیکشن کمشنر سکندر سلطان راجہ کریں گے، اجلاس میں سپریم کورٹ کے فیصلے پر مشاورت کی جائے گی۔
ذرائع کے مطابق الیکشن کمیشن کے اجلاس میں سپریم کورٹ کے حکم کے مطابق انتخابات کروانے کا لائحہ عمل طے کیا جائے گا۔
واضح رہے کہ سپریم کورٹ نے الیکشن کمیشن کا 22 مارچ کا فیصلہ کالعدم قرار دیا ہے جس میں الیکشن 8 اکتوبر کو منعقد کرنے کا کہا گیا تھا۔ سپریم کورٹ نے اب پنجاب میں الیکشن 14 مئی کو کرانے کا حکم دیا ہے۔
Short Link
Copied