paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ اسرائیلی لابی کے ساتھ بانی پی ٹی آئی کے تعلقات نئی بات نہیں۔
تفصیلات کے مطابق پاکستان پیپلز پارٹی کی سینیٹر شیری رحمان نے اسرائیلی اخبار یروشلم پوسٹ کے بانی پاکستان تحریک انصاف سے متعلق مضمون پر ردِعمل دیتے ہوئے کہا ہے کہ اسرائیلی اخبار نے لکھا بانی پی ٹی آئی اسرائیل کے ساتھ معمول کے تعلقات چاہتے تھے۔
شیری رحمان کا مزید کہنا ہے کہ تحریک انصاف وضاحت دے کہ اسرائیل ان کا حامی کیوں ہے؟ اسرائیل کو کیوں یقین ہے کہ بانی پی ٹی آئی ہی اسرائیل سے متعلق عوامی رائے اور فوجی پالیسی بدل سکتے ہیں؟۔
انہوں نے کہا کہ بانی پی ٹی آئی روز اڈیالہ جیل سے پیغام بھیجتے ہیں، ان دعوؤں کی بھی وضاحت کریں۔
واضح رہے کہ اسرائیلی اخبار یروشلم پوسٹ کے آرٹیکل میں بانی پی ٹی آئی کو اسرائیل کا حمایتی قرار دے دیا گیا ہے۔
Short Link
Copied
