paksahafat پاک صحافت
Related Articles
پاک صحافت صہیونی حملے میں 4 ایرانی فوجی مشیر شہید ہوگئے۔
العالم ٹی وی چینل اور شام کی سرکاری خبر رساں ایجنسی نے ہفتے کے روز اطلاع دی ہے کہ شام کے دارالحکومت دمشق کے قریب علاقے میں صیہونیوں کے حملے میں چار ایرانی فوجی مشیر شہید ہو گئے۔
العالم ٹی وی چینل کے صحافی نے دمشق کے قریب علاقے پر حملے کی تصدیق کی ہے۔ شامی ٹیلی ویژن نے یہ بھی بتایا کہ دمشق کے علاقے المزہ میں ایک عمارت پر کچھ دیر پہلے حملہ کیا گیا تھا۔ بعض ذرائع کا کہنا ہے کہ دھماکے کی شدت کے باعث کچھ اور افراد کے زخمی اور شہید ہونے کا خدشہ ہے۔
دوسری جانب تسنیم خبررساں ادارے نے آئی آر جی سی کا بیان پیش کرتے ہوئے کہا ہے کہ آئی آر جی سی کے شعبہ تعلقات عامہ نے دمشق میں حملے کے دوران چار ایرانی فوجی مشیروں کی شہادت کی تصدیق کی ہے۔
ادھر فلسطین کی تنظیم جہاد اسلام نے اپنے جنرل سیکرٹری زیاد نوخلے کی شہادت کی افواہ کو مسترد کر دیا ہے۔یاد رہے کہ حالیہ دنوں میں ناجائز صیہونی حکومت کی جانب سے کیے جانے والے اندھا دھند حملے کئی بے گناہوں کی شہادت کا باعث بن چکے ہیں۔ ان حملوں میں عمارتوں کو بھی نقصان پہنچا ہے۔
