پاک صحافت 256 مسماریوں کے نتیجے میں 272 بچوں سمیت 543 فلسطینی کھلے عام بے گھری کی زندگی گزارنے پر مجبور ہو گئے ہیں۔
ناجائز غاصب صیہونی حکومت نے فلسطینیوں کے مکانات اور عمارتوں کو مسمار کرنے کے مقصد سے 256 کارروائیاں کیں جن میں مغربی کنارے میں صنعتی اداروں اور بیت المقدس میں ایک اسکول کی عمارت سمیت 300 عمارتوں کو تباہ کرنا شامل ہے۔
غیر قانونی صہیونی بستیوں کے خلاف برسرپیکار تنظیم پی ایل او سے متعلق کونسل نے ایک رپورٹ میں کہا ہے کہ فلسطینیوں کے گھروں کی ان 256 مسماریوں کے نتیجے میں 272 بچوں سمیت 543 افراد بے گھر ہو گئے ہیں۔
اس رپورٹ میں کہا گیا ہے کہ گزشتہ 6 ماہ کے دوران یہ کارروائیاں مغربی کنارے اور مشرقی بیت المقدس کے علاقوں میں کی گئیں۔
رپورٹ کے مطابق صیہونی حکومت نے 822 فلسطینی عمارتوں کو تعمیراتی لائسنس نہ ہونے کے بہانے مسمار کرنے کے نوٹس بھی بھیجے ہیں۔
رپورٹ میں بتایا گیا ہے کہ ان 6 ماہ کے دوران صیہونی فوجیوں نے غیر قانونی صہیونی بستیوں کے مکینوں کے ساتھ مل کر فلسطینیوں کے خلاف 4000 سے زائد مختلف کارروائیاں کی ہیں جن میں مکانات کی مسماری، درختوں کی کٹائی، سڑکوں کی بندش اور جسمانی حملے شامل ہیں۔