paksahafat پاک صحافت
Related Articles
پاک صحافت ایران کے وزیر خارجہ نے لبنان میں حزب اللہ کے سیکرٹری جنرل سے بات چیت کی ہے۔
حسین امیر عبداللہیان اور سید عیسی نصر اللہ کے درمیان ہونے والی ملاقات میں علاقائی مسائل سمیت متعدد امور پر تبادلہ خیال کیا گیا۔ اس ملاقات میں لبنان اور فلسطین کے موضوعات پر خصوصی گفتگو ہوئی۔
ملاقات میں صیہونی حکومت کی دھمکیوں اور ان کے خلاف مزاحمت کے مرکز کی تیاریوں پر بھی تبادلہ خیال کیا گیا۔ حسین امیر عبداللہیان نے کہا کہ اسلامی جمہوریہ ایران اپنی پوری طاقت کے ساتھ لبنانی حکومت اور عوام نیز مزاحمت کی حمایت جاری رکھے گا۔
انہوں نے لبنان کی تمام سیاسی جماعتوں پر زور دیا کہ وہ ملک کے صدر کے انتخاب کے معاملے کو بات چیت کے ذریعے حل کرنے کی کوشش کریں۔ انہوں نے کہا کہ یہ کام غیر ملکی مداخلت کے بغیر انتہائی شائستگی سے انجام پا سکتا ہے۔
یاد رہے کہ ایران کے وزیر خارجہ حسین امیر عبداللہیان لبنان کے وزیر خارجہ کی سرکاری دعوت پر ایک وفد کے ہمراہ لبنان گئے تھے۔ لبنان پہنچنے کے بعد انہوں نے اس ملک کے اعلیٰ حکام سے ملاقاتیں کیں۔
قابل ذکر ہے کہ لبنان میں اس ملک کے صدر میشل عون کی 6 سالہ مدت ختم ہونے کے باوجود وہاں ان کے جانشین کا انتخاب ہونا باقی ہے۔ اس معاملے نے لبنان میں سیاسی بحران کو مزید گہرا کر دیا ہے۔
