خطرناک کیمیکل سے لدے اسرائیلی جہاز میں خوفناک آگ بھڑک اٹھی، 40 کنٹینرز سمندر میں گرگئے

تل ابیب {پاک صحافت} عبرانی زبان کے میڈیا نے گھنٹوں کی خاموشی کے بعد بتایا کہ کینیڈا کے سمندر میں جس جہاز میں آگ لگی وہ اسرائیلی جہاز تھا اور اس میں خطرناک کیمیکل لدا ہوا تھا۔

خبر رساں ادارے تسنیم کی رپورٹ کے مطابق، اسرائیلی ٹی وی نے اعلان کیا ہے کہ اتوار کی رات جس جہاز میں آگ لگی اس کا نام "زم کنگسٹون” ہے اور اس کا تعلق اسرائیلی کمپنی سے ہے۔

اسرائیلی ٹی وی کے مطابق کینیڈا کے ساحل پر جہاز میں آگ لگ گئی اور کم از کم چالیس کنٹینرز سمندر میں گر گئے۔ کینیڈا اور امریکہ کے میرین فائر فائٹرز اس وقت آگ بجھانے میں مصروف ہیں۔

موصولہ اطلاعات کے مطابق جہاز کے سروس کریو کے 16 اہلکاروں کو نکال لیا گیا ہے جبکہ سروس کریو کے 5 اہلکار بھی آگ بجھانے میں مدد کر رہے ہیں۔ رپورٹ میں یہ نہیں بتایا گیا کہ جہاز پر کون سا خطرناک کیمیائی مادہ لدا ہوا تھا اور کہاں جا رہا تھا۔