تہران {پاک صحافت} ایران کے سابق صدر محمود احمدی نژاد نے کہا کہ سعودی عرب اور ایران کے مابین دشمنی "دونوں فریقوں کے مفادات کے لیے نقصان دہ ہے۔” دونوں ممالک "بھائی اور ہمسایہ ہیں اور ان کے مابین مشترکات اختلافی امور سے درجنوں گنا زیادہ ہیں۔ خطے کے استحکام کے لیے دونوں ملکوں کو مل کر تعاون کرنا چاہئیے۔
انہوں نے یورپی یونین کی طرح خطے کے ممالک کے مابین ایک "اتحاد” کے قیام کا مطالبہ کرتے ہوئے کہا کہ آخر یورپ نے اپنے عوام کے مفاد کے لیے یونین کے تجربے تک پہنچنے سے پہلے ایک طویل عرصے تک لڑائی لڑی۔
سابق صدر نے مزید کہا کہ بین الاقوامی قوتیں توانائی اور ثقافت سے مالا مال خطے کو کنٹرول کرنے کی کوشش کر رہی ہیں۔ انہوں نے مزید کہا کہ یہ قوتیں اس کو کنٹرول کرنے کی کوششوں کی آڑمیں خطے میں مسائل پیدا کر رہی ہیں۔
احمدی نژاد نے کہا کہ وہ اب ایران برسر اقتدار طبقے اور پالیسوں سے متفق نہیں ہیں۔