پاک صحافت صیہونی حکومت نے مسلسل 15ویں مرتبہ لبنان میں جنگ بندی کی کھلی خلاف ورزی کرکے بین الاقوامی ذمہ داریوں کی پاسداری نہ کرنے کا ثبوت دیا۔
مہر خبررساں ایجنسی نے اسپوتنک کے حوالے سے نقل کیا ہے کہ صیہونی حکومت کے جاسوس ڈرون نے آج اتوار کی صبح بیروت اور جنوبی مضافات میں کم بلندی پر پرواز کی۔
اس رپورٹ کے مطابق مذکورہ ڈرون نے صیہونی حکومت اور لبنان کے درمیان طے پانے والے جنگ بندی کی واضح خلاف ورزی کی۔
شائع شدہ رپورٹوں میں بیروت کے وسطی اور جنوبی محلوں پر ان ڈرونز کی پرواز کی نشاندہی کی گئی ہے۔
العربی الجدید اخبار نے بھی اطلاع دی ہے کہ صیہونی حکومت نے ہفتے کے روز کم از کم 24 بار لبنان کے ساتھ جنگ بندی معاہدے کی خلاف ورزی کی۔ واضح رہے کہ اس حکومت نے 62 مرتبہ جنگ بندی کی خلاف ورزی کی ہے۔
گذشتہ روز صیہونی غاصبوں نے لبنان کے جنوب میں واقع مرجعون میں بنی حیان اور مصرہ کے علاقوں کو نشانہ بنایا۔
اس رپورٹ کے مطابق صیہونی فوجیوں نے مارون الراس کے علاقے اور بنت جبیل شہر کے بعض محلوں پر شدید فائرنگ کی۔