یمنی قوم امریکی دہشت گردی سے کبھی نہیں ڈرے گی۔ الحوثی

(پاک صحافت) یمن پر حالیہ امریکی حملوں کے ردعمل میں یمن کی سپریم پولیٹیکل کونسل کے رکن نے تاکید کی ہے کہ یمنی قوم کبھی بھی امریکی حملوں، جارحیت اور دہشت گردی سے خوفزدہ نہیں ہے۔

تفصیلات کے مطابق یمن کی سپریم پولیٹیکل کونسل کے رکن محمد الحوثی نے کہا: یمن کی قوم کبھی بھی امریکی حملوں، جارحیت، غنڈہ گردی اور دہشت گردی سے نہیں ڈرتی اور یہ قوم خدا کے سوا کسی سے نہیں ڈرتی۔ انہوں نے فلسطینیوں سے کہا: ہم ہمیشہ آپ کے ساتھ ہیں اور ہم آپ کو کبھی نہیں چھوڑیں گے۔

الحوثی نے امریکی صدر ڈونلڈ ٹرمپ سے یہ بھی کہا کہ وہ ہمیں کبھی نہیں ڈرا سکتے۔ آپ کو اپنی طاقت پر کتنا ہی گھمنڈ کیوں نہ ہو، ہم کسی کے سامنے گھٹنے نہیں ٹیکیں گے، ہم کبھی نہیں ڈریں گے اور پیچھے نہیں ہٹیں گے۔

انہوں نے مزید کہا: آج ہمارا اصل موقف یہ ہے کہ غزہ کے لوگوں کے خلاف بھوک اور محاصرہ نہیں ہونا چاہیے۔ غزہ میں جرائم کی حمایت اور یمن پر حملہ کرنے میں آپ کا موقف کوئی نئی بات نہیں ہے اور یہ آپ کے لیے دہشت گردی اور شرم کی بات ہے۔