paksahafat پاک صحافت
Related Articles
(پاک صحافت) خبر رساں ذرائع نے مقبوضہ علاقوں میں ہزاروں صہیونیوں کے سیل فونز پر دھمکی آمیز پیغامات بھیجنے کی اطلاع دی ہے۔
تفصیلات کے مطابق مقبوضہ علاقوں میں رہنے والے ہزاروں صہیونیوں کے موبائل فونز پر دھمکی آمیز پیغامات بھیجے گئے ہیں جن کے نام اور تفصیلات بھی اس پیغام میں درج ہیں۔ پیغام میں لکھا ہے کہ آپ کو اگلے ہفتے دفن کیا جائے گا۔
اس رپورٹ کے مطابق پولیس، وزارت مواصلات و ٹیلی کمیونیکیشن اور صیہونی حکومت کے سائبر سینٹر نے صیہونیوں سے کہا ہے کہ اگر ممکن ہو تو پیغام بھیجنے والے کا صارف اکاؤنٹ بند کر دیں۔ صہیونی سیکورٹی اداروں نے اس سلسلے میں وسیع تحقیقات شروع کر دی ہیں۔
حال ہی میں حدث نیٹ ورک نے بھی ذرائع کے حوالے سے اطلاع دی ہے کہ صیہونی حکومت نے ایران اور حزب اللہ کے جوابی حملوں کے خوف سے جمعرات کے روز تل ابیب میں اپنے چار حساس سیکورٹی اور انٹیلی جنس ہیڈ کوارٹرز کو خالی کر دیا ہے۔
تحریک حماس کے سیاسی بیورو کے سربراہ شہید اسماعیل ھنیہ کے قتل پر ایران کے یقینی ردعمل اور لبنان کی اسلامی مزاحمت کے ردعمل کی وجہ سے اسرائیلی حکومت کی بے چینی اور ذہنی انتشار میں روز بروز اضافہ ہوتا جا رہا ہے۔
