paksahafat پاک صحافت
Related Articles
(پاک صحافت) المیادین نیٹ ورک نے اعلان کیا کہ زمینی حملے کے اعلان کے باوجود دشمن کے فوجی ابھی تک لبنان میں داخل نہیں ہوئے ہیں۔
تفصیلات کے مطابق چند منٹ قبل صہیونی فوج نے ایک بیان میں دعوی کیا تھا کہ اس نے لبنان کی سرزمین پر زمینی حملہ کیا ہے اور اعلان کیا ہے کہ یہ آپریشن حزب اللہ کے ٹھکانوں اور سرحد کے قریب کیا جائے گا۔ اس بیان کے مطابق صیہونی افواج کی زمینی جارحیت فضائی اور توپخانے کی مدد سے ہوگی۔
صیہونی حکومت کی فوج کے ترجمان دانیال ھگاری نے بھی لبنان کی سرزمین پر اس مبینہ حملے کے بارے میں کہا کہ ہم نے لبنان کی سرحد کے قریب حزب اللہ کے ٹھکانوں کے خلاف ایک مخصوص زمینی آپریشن شروع کیا ہے جس میں فضائی اور توپخانے کی مدد بھی حاصل ہے۔
انہوں نے دعوی کیا کہ زمینی کارروائیاں جنگی اہداف کے حصول کے فریم ورک میں کی جاتی ہیں تاکہ شمال کے باشندوں کو ان کے گھروں کو لوٹایا جا سکے۔
انہوں نے کہا کہ فوج (صیہونی حکومت) جنرل اسٹاف اور شمالی کمان کی نگرانی میں باقاعدہ شیڈول کے مطابق کام کرتی ہے۔
