(پاک صحافت) شیخ نعیم قاسم شہید سید حسن نصر اللہ کے قریبی لوگوں میں سے تھے، جو لبنان اور خطے میں ایک ممتاز سیاسی اور مذہبی مقام رکھتے ہیں، اور سید ہاشم صفی الدین کی شہادت کے بعد یہ پیشین گوئی کی گئی تھی کہ وہ حزب اللہ کے نئے سیکرٹری منتخب ہوں گے۔
تفصیلات کے مطابق لبنان کی حزب اللہ تحریک نے آج ایک بیان جاری کر کے شیخ نعیم قاسم جو پہلے حزب اللہ کے ڈپٹی سیکرٹری جنرل تھے، کو حزب اللہ کے نئے سیکرٹری جنرل کے طور پر متعارف کرایا ہے۔
شیخ نعیم قاسم 1953 میں جنوبی لبنان کے علاقے الباسطہ الطحطہ میں پیدا ہوئے۔ حزب اللہ کے بہت سے رہنمائوں کی طرح یونیورسٹی کی تعلیم کے علاوہ وہ بھی مدرسے میں دینی علوم میں مشغول رہے اور امام موسیٰ صدر کے ساتھ مل کر تحریک امل کی تشکیل اور حزب اللہ کے قیام میں حصہ لیا۔
اس کے ساتھ ہی اپنی مدرسہ تعلیم کے ساتھ ساتھ تعلیمی میدان میں، انہوں نے 1977 میں لبنان یونیورسٹی سے کیمسٹری میں ماسٹر کی ڈگری حاصل کی۔
شیخ نعیم قاسم لبنان کے ممتاز شیعہ علماء میں سے ایک ہیں جنہوں نے لبنان اور نجف کے مدارس میں دینی علوم کی تعلیم حاصل کی اور 1991 سے حزب اللہ کے ڈپٹی سیکرٹری جنرل کے طور پر کام کیا اور آج 29 اکتوبر 2024 کو حزب اللہ کے سیکرٹری جنرل کے طور پر منتخب ہوئے۔