سمرقند (پاک صحافت) روسی صدر پیوٹن کا کہنا ہے کہ یک قطبی دنیا بنانے کی کوششیں کرہ ارض پر موجود ممالک کی اکثریت کے لیے مکمل طور پر ناقابل قبول ہے۔
تفصیلات کے مطابق روسی صدر ولادیمر پیوٹن نے چین کے صدر کے ساتھ ملاقات میں کہا ہے کہ یک قطبی دنیا بنانے کی کوششوں نے حال ہی میں ایک بہت ہی بدصورت شکل اختیار کرلی ہے اور کرہ ارض پر موجود ممالک کی اکثریت کے لیے یہ مکمل طور پر ناقابل قبول ہے۔
روس کے صدر پیوٹن کا مزید کہنا تھا کہ شنگھائی تعاون تنظیم کے ارکان کو تعمیری بات چیت کے پلیٹ فارم کے طور پر رکن ممالک کی جامع مضبوطی کو یقینی بنانے کا کام درپیش ہے۔ انہوں نے کہا کہ شنگھائی تعاون تنظیم میں مختلف تہذیبی اور ثقافتی روایات کے حامل ممالک، خارجہ پالیسی کے رہنما خطوط اور قومی ترقی کے ماڈل شامل ہیں۔ روس ون چائنا اصول پر سختی سے کاربند ہے اور تائیوان میں امریکی اشتعال انگیزی کی مذمت کرتا ہے۔