paksahafat پاک صحافت
Related Articles
(پاک صحافت) صیہونی فضائیہ کے اسٹریٹجک یونٹ کے سربراہ نے ایران کے پرامن ایٹمی ٹیکنالوجی کے قبضے کو اس حکومت کا سب سے اہم چیلنج قرار دیتے ہوئے اعتراف کیا کہ ایرانی جب یہ کہتے ہیں کہ وہ اسرائیل کو تباہ کرنا چاہتے ہیں تو مذاق نہیں کررہے ہیں۔
تفصیلات کے مطابق صیہونی فضائیہ کے اسٹریٹجک یونٹ کے سربراہ نے کہا ہے کہ غزہ جنگ کے آٹھ ماہ سے زیادہ کے بعد ہم حماس کی صرف 35 سے 40 فیصد صلاحیتوں کو تباہ کرنے میں کامیاب ہوئے ہیں۔ ہمیں درپیش کل خطرات کا 7-10 فیصد حماس ہے۔ جب بھی ہم فوری فیصلے کرتے ہیں، ہم خطرات سے بہتر طور پر نمٹنے کے قابل ہوتے ہیں۔
اس صہیونی فوجی اہلکار نے تاکید کی کہ ایرانی جب یہ کہتے ہیں کہ وہ اسرائیل کو تباہ کرنا چاہتے ہیں تو مذاق نہیں کررہے ہیں۔ جوہری ایران ایک اہم ترین چیلنج ہے جس کا ہم سامنا کررہے ہیں۔ یمن کی انصاراللہ کو نہ صرف اسرائیلی حکومت کے لیے خطرہ سمجھا جاتا ہے بلکہ ان میں سے 35000 سے زیادہ اس حکومت کے خلاف لڑنا چاہتے ہیں۔
ساتھ ہی اس صہیونی اہلکار نے دعوی کیا کہ اسرائیل کے پاس تمام سیکورٹی چیلنجوں کو روکنے اور ان سے نمٹنے کی کافی صلاحیت ہے۔ اسرائیل کو خود مختار ہونا چاہیے اور میزائل اس کی فضائی حدود میں داخل نہیں ہونے چاہئیں۔ ہمیں ایک ایسا نظام بنانا چاہیے جو ہماری سلامتی کے تحفظ کے لیے ہوائی، زمینی اور سمندری نظام کو مربوط کرے۔
