paksahafat پاک صحافت
Related Articles
(پاک صحافت) دنیا بھر میں بچوں کے حقوق کی خلاف ورزیوں پر اقوام متحدہ کی سالانہ رپورٹ کے مطابق غزہ میں بچوں کے خلاف سب سے زیادہ جرائم اور تشدد ریکارڈ کیے گئے اور ان میں 155 فیصد اضافہ ہوا۔
تفصیلات کے مطابق اقوام متحدہ کے سیکرٹری جنرل نے دنیا بھر میں بچوں کے حقوق کی پامالی پر اپنی سالانہ رپورٹ جاری کی جس کے مطابق غزہ کی پٹی میں بچوں پر تشدد کی سب سے زیادہ شرح ریکارڈ کی گئی۔ اقوام متحدہ کی جانب سے شائع ہونے والی ایک رپورٹ کے مطابق مسلح تنازعات میں بچوں کے خلاف تشدد کے واقعات 2022 کے مقابلے میں 21 فیصد اضافے کے ساتھ 2023 میں بچوں کے خلاف جرائم کے 30,705 واقعات تک پہنچ گئے۔
اس رپورٹ میں دنیا کے تقریباً 20 خطوں میں بچوں کے حقوق کی خلاف ورزی کا ذکر کیا گیا ہے جو تنازعات کے گواہ ہیں، جن میں قتل، معذوری، اغوا، اعضاء کی چوری، بچوں کے خلاف جسمانی اور جنسی تشدد شامل ہیں۔
اس رپورٹ میں کہا گیا ہے کہ 2023 میں دنیا کے مختلف خطوں میں بچوں کو بحرانوں کے پھیلاؤ اور شدت سے سب سے زیادہ نقصان پہنچا ہے۔ دریں اثنا، غزہ کے بچوں کو پوری دنیا میں بچوں کا سب سے کمزور گروپ سمجھا جاتا ہے، اور ان کے حقوق کی پامالی میں حیران کن طور پر 155 فیصد اضافہ ہوا ہے۔
مذکورہ رپورٹ میں اقوام متحدہ نے اعلان کیا کہ غزہ کی پٹی میں بچوں کے خلاف سب سے زیادہ تشدد اور جرائم ریکارڈ کیے گئے، اس کے بعد کانگو، میانمار، صومالیہ، نائیجیریا اور سوڈان کا نمبر آتا ہے جہاں مسلح تنازعات میں بچوں کے حقوق کی شدید خلاف ورزی کی جاتی ہے۔
