پاک صحافت شاید امریکہ اب حقیقت کو سمجھنے لگا ہے۔
امریکی محکمہ خارجہ کے ترجمان نے کہا ہے کہ ان کا ملک کسی بھی صورت میں ایران کے ساتھ جنگ نہیں چاہتا۔
تسنیم خبررساں ادارے کے مطابق میتھیو ملر نے بدھ کو پریس کانفرنس کرتے ہوئے کہا کہ امریکا ایران کے ساتھ جنگ میں دلچسپی نہیں رکھتا۔ ملر نے کہا کہ ہم نے واضح کر دیا ہے کہ ہم کسی بھی حالت میں ایران کے ساتھ جنگ نہیں چاہتے۔ اس کے ساتھ امریکی محکمہ خارجہ کے ترجمان نے کہا کہ ہمارے وزیر خارجہ نے کہا ہے کہ ہم خطے میں اپنے مفادات اور فوجیوں کا تحفظ کریں گے۔
دوسری جانب ایران کے وزیر خارجہ نے کہا ہے کہ امریکہ اور بعض فریقوں نے ہمیں پیغامات بھیجے ہیں جن میں کہا گیا ہے کہ آپ تحمل سے کام لیں ہم جنگ نہیں چاہتے۔
امیر حسین عبداللہیان نے نیویارک ٹائمز کو اپنے انٹرویو میں کہا ہے کہ امریکہ نے بعض ذرائع سے ہمیں یہ پیغام دیا ہے کہ ہم جنگ نہیں چاہتے لیکن عملی طور پر صیہونی حکومت کے ساتھ جنگ میں نظر آرہی ہے۔ انہوں نے کہا کہ امریکہ کی طرف سے اسرائیل کی اقتصادی اور فوجی مدد سے ظاہر ہوتا ہے کہ اس طرح وہ ناجائز صیہونی حکومت کو جنگ کے لیے اکسا رہا ہے۔