پاک صحافت چین میں ایک کنڈرگارٹن میں چاقو کے حملے میں کم از کم چھ افراد ہلاک ہو گئے ہیں۔
پولیس نے 25 سالہ مشتبہ حملہ آور کو گرفتار کر لیا ہے۔
چین کے صوبہ گوانگ ڈونگ میں ایک کنڈرگارٹن میں چاقو کے حملے میں چھ افراد ہلاک اور ایک شخص شدید زخمی ہو گیا ہے۔
پولیس کا کہنا ہے کہ انہوں نے حملہ آور کو گرفتار کر لیا ہے اور حملے کے پیچھے محرکات جاننے کے لیے تفتیش جاری ہے۔
پولیس نے متاثرین کے بارے میں کوئی تفصیلات جاری نہیں کی ہیں لیکن ان کا کہنا ہے کہ حملہ جان بوجھ کر کیا گیا تھا۔
چائنا نیوز نیٹ ورک کی رپورٹ کے مطابق جسے چینی حکومت کی حمایت حاصل ہے، یہ واقعہ پیر کی صبح 7.40 بجے پیش آیا۔ مقامی پولیس کا کہنا ہے کہ مشتبہ شخص 25 سالہ شخص ہے جس کی کنیت وو ہے۔
واقعہ گوانگ ڈونگ صوبے کے شہر لیان جیانگ کا ہے۔ لیان جیانگ کاؤنٹی کے ترجمان کا کہنا ہے کہ متاثرین میں ایک استاد، دو والدین اور تین طالب علم شامل ہیں۔