paksahafat پاک صحافت
Related Articles
پاک صحافت امریکی دعوے کو بے بنیاد قرار دیتے ہوئے جنوبی افریقہ نے امریکی سفیر کو طلب کر لیا ہے۔
ایران پریس کے مطابق جنوبی افریقہ کی وزارت خارجہ کے ترجمان کلیسن مونیلا نے بتایا ہے کہ ملک میں تعینات امریکی سفیر کے غیر مصدقہ دعوے کے بعد انہیں وزارت خارجہ میں طلب کیا گیا ہے۔
مونیلا کے مطابق ملک کی نیشنل آرمز کنٹرول کمیٹی کے پاس اس بات کا کوئی ثبوت نہیں ہے کہ ہتھیار جنوبی افریقہ سے روس بھیجے گئے ہیں۔
جنوبی افریقہ کی وزارت خارجہ کے ترجمان نے کہا ہے کہ امریکی سفیر نے دعویٰ کیا ہے کہ دسمبر 2022 میں کارگو جہاز کے ذریعے جنوبی افریقہ سے روس کو اسلحہ بھیجا گیا ہے۔ روبن برنگٹن کا یہ بھی دعویٰ ہے کہ یہ ہتھیار خفیہ طور پر کیپ ٹاؤن کے قریب جنوبی افریقہ کے ایک بحری اڈے سے روس بھیجے گئے تھے۔
امریکی سفیر کا یہ بھی دعویٰ ہے کہ یہ ہتھیار ایک ایسی کمپنی سے بھیجے گئے جس پر پابندی ہے۔ ویسے جنوبی افریقہ کے صدر نے کہا ہے کہ امریکی سفیر کے دعوے کو ثابت کرنے کے لیے کوئی ثبوت سامنے نہیں آیا۔
