ویٹیکن {پاک صحافت} کیتھولک عیسائیوں کے سب سے بڑے مذہبی رہنما نے میڈیا اہلکاروں اور صحافیوں کی جدوجہد کو سراہا ہے۔
پوپ فرانسس نے کہا کہ جرات کے ساتھ رپورٹنگ کرتے ہوئے سچ سامنے لانے والے صحافی تعریف کے مستحق ہیں۔ انہوں نے کہا کہ میں ان صحافیوں کا احترام کرتا ہوں جنہیں سچی صحافت کرنے کی راہ میں مشکلات کا سامنا کرنا پڑا یا جن کی زندگیاں اس راہ میں ضائع ہوئیں۔
پوپ فرانسس نے کہا کہ گزشتہ سال 47 صحافیوں کو قتل کیا گیا جب کہ اسی عرصے کے دوران 350 سے زائد صحافیوں کو جیل بھیج دیا گیا۔ انہوں نے کہا کہ ہم خاص طور پر ان صحافیوں کے مشکور ہیں جنہوں نے پوری ہمت اور حوصلے کے ساتھ انسانیت کے زخموں پر مرہم رکھا۔
گزشتہ ماہ پوپ فرانسس نے یوکرین جنگ کی کوریج کرنے والے صحافیوں کی تعریف کرتے ہوئے کہا کہ وہ انسانیت کی خدمت کے لیے ہمت دیں۔
Short Link
Copied