کابل {پاک صحافت} افغانستان کے صوبہ ننگرہار میں دہشت گرد گروہ داعش کے دسیوں ارکان نے ہتھیار ڈال دیے ہیں۔
افغان خبر رساں ایجنسی آوا نے رپورٹ کیا کہ صوبہ ننگرہار میں ایک طالبان انٹیلی جنس افسر محمد بشیر نے بتایا کہ داعش کے 100 ارکان نے منگل کی صبح صوبے کے مرکزی شہر جلال آباد میں سیکیورٹی فورسز کے سامنے ہتھیار ڈال دیے۔
خیال رہے کہ داعش افغانستان میں زیادہ تر حملوں اور بم دھماکوں کی ذمہ داری قبول کرتی ہے۔
رواں سال 15 اگست سے طالبان نے افغانستان میں اقتدار کی باگ ڈور سنبھالی ہے اور تب سے داعش کے دہشت گردانہ حملوں کو طالبان کے لیے سب سے بڑا چیلنج سمجھا جا رہا ہے۔