paksahafat پاک صحافت
Related Articles
(پاک صحافت) اسرائیل اور حزب اللہ کے درمیان کشیدگی میں اضافے کے بعد، امریکی وزیر دفاع نے کہا ہے کہ واشنگٹن اسرائیل اور حزب اللہ کے درمیان جنگ کو روکنے کے لیے فوری سفارتی معاہدے کی تلاش میں ہے۔
تفصیلات کے مطابق امریکی وزیر دفاع لائیڈ آسٹن نے کہا ہے کہ امریکہ ایک سفارتی معاہدے کی طرف کام کر رہا ہے جس کے تحت اسرائیلی اور لبنانی شہری اپنے گھروں کو واپس جا سکیں گے۔ پینٹاگون میں اسرائیلی وزیر دفاع یوو گیلنٹ کے ساتھ اپنی ملاقات کے دوران امریکی وزیر دفاع نے دعوی کیا کہ حزب اللہ کے اشتعال انگیز اقدامات سے اسرائیل اور لبنان کے عوام کو ایک ایسی جنگ میں گھسیٹنے کا خطرہ ہے جو وہ نہیں چاہتے۔ اس طرح کی جنگ لبنان کے لیے تباہ کن اور بے گناہ اسرائیلیوں اور لبنانی شہریوں کے لیے تباہ کن ہوگی۔
امریکی وزیر دفاع کا مزید کہنا تھا کہ تناؤ کو مزید بڑھنے سے روکنے کا بہترین طریقہ سفارت کاری ہے۔ لہذا ہم فوری طور پر ایک سفارتی معاہدہ چاہتے ہیں جو اسرائیل کی شمالی سرحدوں پر دیرپا امن بحال کرے گا اور شہریوں کو اسرائیل لبنان سرحد کے دونوں جانب بحفاظت اپنے گھروں کو لوٹنے کے قابل بنائے گا۔
