paksahafat پاک صحافت
Related Articles
(پاک صحافت) سی این این نے جمعے کی شب خبر دی ہے کہ امریکہ صیہونی حکومت کو ہتھیاروں اور فوجی ساز و سامان کی خریداری کے لیے 3.5 بلین ڈالر فراہم کرے گا۔
تفصیلات کے مطابق سی این این نے باخبر حکام کا حوالہ دیتے ہوئے اطلاع دی ہے کہ یہ ہتھیار اور فوجی ساز و سامان صیہونی حکومت کو فوری طور پر فراہم نہیں کیے جائیں گے بلکہ یہ حکومت آنے والے سالوں میں یہ ہتھیار حاصل کرے گی۔ رپورٹ میں مزید کہا گیا کہ یہ رقم 14.1 بلین ڈالر کے اخراجات کے بل کا حصہ ہے جو اپریل میں کانگریس نے منظور کیا تھا۔
سی این این نے مزید کہا ہے کہ یہ فنڈنگ بنیادی طور پر وہ رقم ہے جسے اسرائیل فارن ملٹری فنانسنگ پروگرام کے ذریعے امریکہ سے جدید ہتھیاروں کے نظام اور دیگر آلات خریدنے کے لیے استعمال کرسکتا ہے۔ یہ کارروائی ایسے وقت میں ہوئی ہے جب خطے میں کشیدگی بڑھ رہی ہے اور صیہونی حکومت ایران کی جانب سے ممکنہ جوابی حملے کی تیاری کررہی ہے۔
یاد رہے کہ تحریک حماس کے سیاسی بیورو کے سربراہ شہید اسماعیل ھنیہ کے قتل پر ایران کے یقینی ردعمل اور لبنان کی اسلامی مزاحمت کے ردعمل کی وجہ سے اسرائیلی حکومت کی بے چینی اور ذہنی انتشار میں روز بروز اضافہ ہوتا جا رہا ہے۔
