paksahafat پاک صحافت
Related Articles
(پاک صحافت) فلسطینی عوام کے متعدد حامیوں نے سویڈن کی حکومت کی طرف سے صیہونی حکومت کی حمایت کے خلاف پارلیمنٹ کے سامنے مظاہرہ کیا۔
تفصیلات کے مطابق اس احتجاجی ریلی کے شرکاء نے پلے کارڈ اٹھا رکھے تھے جن پر “غزہ میں قتل عام بند کرو”، “قابض حکومت کو نہیں” اور “فلسطین آزاد ہے” جیسے الفاظ درج تھے۔ اس احتجاجی ریلی کے شرکاء نے سویڈن کی حکومت سے صیہونی حکومت کی حمایت بند کرنے کا بھی مطالبہ کیا۔
غزہ کی پٹی کے خلاف صیہونی حکومت کی جنگ کے 200 دنوں سے زائد عرصے میں صیہونی افواج کی طرف سے کیے گئے خوفناک جنگی جرائم کے بعد، دنیا نے صیہونی حکومت کے خلاف جنگ میں مزاحمتی قوتوں اور غزہ کی پٹی کے باشندوں کی حمایت کا اعلان کیا ہے۔
آئے روز مختلف شہروں اور ممالک میں مظاہرے اور فلسطینی پرچم بلند کرتے ہوئے غزہ کے مظلوم عوام سے ہمدردی کا اظہار کرتے ہوئے عالمی برادری سے صہیونیوں کے ان وحشیانہ جرائم کے سامنے اپنی خاموشی توڑنے کا مطالبہ کیا ہے۔
