(پاک صحافت) ڈیموکریٹس کی طرف سے جوبائیڈن پر بڑھتے ہوئے دباؤ کے ساتھ، امریکی خبر رساں ذرائع نے ان کے انتخابی مقابلے سے دستبرداری کا امکان ظاہر کیا ہے۔
تفصیلات کے مطابق امریکن نیوز چینل نیشن نیوز نے کہا ہے کہ جوبائیڈن آنے والے دنوں میں الیکشن سے دستبردار ہونے کا ارادہ رکھتے ہیں۔ اسی طرح سی این این نے ایک سینئر ڈیموکریٹک کنسلٹنٹ کے حوالے سے کہا ہے کہ جوبائیڈن نے صدارتی انتخاب کی دوڑ سے دستبردار ہونے کے خیال کو پہلے سے زیادہ قبول کرلیا ہے۔ اس نیٹ ورک کے مطابق بائیڈن نے اپنے مشیروں سے پوچھا ہے کہ کیا وہ سمجھتے ہیں کہ ان کی نائب کملا ہیرس الیکشن جیت سکتی ہیں۔
حالیہ ہفتوں میں، بائیڈن کی جسمانی اور ذہنی معذوری واضح ہونے کے ساتھ، خاص طور پر ٹرمپ کے خلاف انتخابی بحث میں، ڈیموکریٹک پارٹی کے درجنوں نمائندوں، کفیلوں اور اراکین نے جوبائیڈن سے الیکشن سے دستبردار ہونے اور ان کی جگہ کسی اور کو لانے کا مطالبہ کیا ہے۔
گزشتہ روز "ایڈم شیف”، جو ایوان نمائندگان کے ڈیموکریٹک رکن اور ریاست کیلیفورنیا سے اس پارٹی کے سب سے زیادہ بااثر افراد میں سے ایک ہیں، نے بائیڈن سے کہا کہ وہ مقابلے کا تسلسل کسی اور شخص پر چھوڑ دیں۔