(پاک صحافت) جب امریکی صدر گرجا گھر سے نکل رہے تھے تو ان کا سامنا فلسطینی حامی مظاہرین سے ہوا جنہوں نے صیہونی حکومت کی امریکہ کی حمایت پر احتجاج میں "شرم کرو” کے نعرے لگائے۔
تفصیلات کے مطابق امریکی صدر جوبائیڈن جو اپنے متنازعہ بیٹے ہنٹر بائیڈن کے ساتھ ریاست ڈیلاویئر میں ایک چرچ گئے تھے، ان کا سامنا فلسطینی حامیوں کے ایک اجتماع سے ہوا جنہوں نے چرچ سے نکلتے وقت شرم کرو بائیڈن کے نعرے لگائے امریکی صدر کے سامنے فلسطینی جھنڈا لہرایا۔
فلسطینیوں کے حامی مظاہرین نے اپنے نعروں میں 16 ہزار سے زائد فلسطینی بچوں کی ہلاکت کی طرف اشارہ کیا اور فلسطین کی آزادی کا مطالبہ کیا۔
چرچ سے نکلتے وقت فلسطینی حامی مظاہرین کی ایک بڑی تعداد کا سامنا کرتے ہوئے، بائیڈن نے غزہ جنگ میں جنگ بندی کے امکان سے متعلق ایک سوال کا جواب دینے سے گریز کیا اور اپنی گاڑی میں بیٹھ گئے۔