paksahafat پاک صحافت
Related Articles
(پاک صحافت) یورپی یونین کی خارجہ پالیسی کے سربراہ جوزپ بوریل نے انسانی امداد بھیجنے کے لیے غزہ کی پٹی میں فوری جنگ بندی کا مطالبہ کیا ہے۔
تفصیلات کے مطابق یورپی یونین کی خارجہ پالیسی کے اہلکار جوزپ بریل نے پیر کہا ہے کہ غزہ کی پٹی میں حالیہ دنوں میں انسانی صورتحال مزید خراب ہوئی ہے اور انروا اپنا کردار ادا نہیں کرسکتی۔ ہمیں امداد بھیجنے کے لیے غزہ کی پٹی میں فوری جنگ بندی کی ضرورت ہے۔ امریکی صدر جوبائیڈن کے منصوبے کی حمایت کرتے ہوئے بوریل نے غزہ میں فوری جنگ بندی کا مطالبہ کیا۔
انہوں نے کل اپنے ایکس اکاؤنٹ پر بھی کہا تھا کہ حزب اللہ کی شمولیت سے مکمل جنگ کا خطرہ حقیقی ہے۔ لبنان تک جنگ کے پھیلنے سے خطے اور اس سے باہر بھی شدید اثر پڑے گا۔
گزشتہ ہفتوں میں صیہونی حکومت نے جنگ کا دائرہ وسیع کرنے کی دھمکی دی ہے اور تل ابیب کے بعض اہلکاروں نے لبنان پر حملہ کرنے کی منصوبہ بندی کرنے کا دعوی کیا ہے۔
