(پاک صحافت) عالمی شہرت یافتہ فنکار معین اختر کی زندگی پر مبنی کتاب آئندہ ماہ فروری 2025ء میں شائع ہو گی۔ باصلاحیت فنکار کی زندگی پر مبنی یہ کتاب آکسفورڈ یونیورسٹی پریس کے تحت شائع ہو گی، جسے دنیا بھر میں ریلیز کیا جائے گا۔
خیال رہے کہ معین اختر کی زندگی پر مبنی 416 صفحات کی یہ کتاب ابتداً اردو میں شائع کی جا رہی ہے، بعد ازاں اس کا انگلش ایڈیشن بھی شائع ہو گا۔ کتاب کے پیش لفظ مرحوم ضیاء محی الدین نے جبکہ دیباچہ انور مقصود نے تحریر کیا ہے۔
واضح رہے کہ کتاب کی تقریبِ رونمائی ہوٹل بیچ لگژری میں منعقد ہونے والے سالانہ کراچی لٹریچر فیسٹیول (کے ایل ایف) میں متوقع ہے۔
Short Link
Copied