لاہور (پاک صحافت) مسلم لیگ (ن) کی چیف آرگنائزر مریم نواز نے چیف جسٹس پاکستان سے مستعفی ہونے کا مطالبہ کر دیا ہے۔
تفصیلات کے مطابق مسلم لیگ (ن) کی چیف آرگنائزر مریم نواز نے ایک بیان جاری کرتے ہوئے کہا ہے کہ چیف جسٹس عمر عطا بندیال کا تحریک انصاف کی طرف جھکاؤ نمایاں ہے، عمران خان کی حمایت میں چیف جسٹس نے آئین و قانون کی خلاف ورزی کی ہے۔
مریم نواز کا مزید کہنا ہے کہ نامور ججز نے چیف جسٹس کے طرز عمل اور تعصب پر سنگین سوال اٹھائے ہیں۔ آج تک کسی چیف جسٹس پر اس قسم کے مس کنڈکٹ کے الزامات نہیں لگے۔
انہوں نے کہا کہ اختیارات کے غلط استعمال سے سپریم کورٹ میں بغاوت جیسے حالات نے جنم لیا۔چیف جسٹس عمر عطاء بندیال کو استعفی دے دینا چاہئے۔