لاہور (پاک صحافت) ضمانت خارج ہونے پر پی ٹی آئی کے سابق ایم پی اے سمیت 4 ملزمان عدالت سے فرار ہوگئے ہیں۔
تفصیلات کے مطابق لاہور کی انسداد دہشت گردی عدالت نے پولیس پر حملے اور دہشت گردی کی دفعات کے تحت درج مقدمے میں پاکستان تحریک انصاف (پی ٹی آئی) کے سابق رکن پنجاب اسمبلی شبیر گجر سمیت چار ملزمان کی عبوری ضمانتیں خارج کردیں جس کے بعد ملزمان عدالت سے فرار ہوگئے ہیں۔
ذرائع کے مطابق انسداد دہشتگردی عدالت نے پی ٹی آئی کے ایم پی اے شبیر گجر سمیت چار ملزمان کی عبوری ضمانتیں خارج ہونے کا فیصلہ سنایا۔ فیصلے کے بعد شبیر گجر سمیت تمام ملزمان عدالت سے فرار ہوگئے۔ اس دوران عدالت کے باہر ہنگامہ آرائی بھی ہوئی۔
Short Link
Copied