نیویارک (پاک صحافت) نیویارک میں ترک صدر طیب اردوگان نے اسرائیلی وزیراعظم لاپڈ سے ایک اہم ملاقات کی ہے جس میں مختلف امور پر تبادلہ خیال کیا گیا۔
تفصیلات کے مطابق ترکی کے صدر رجب طیب اردوگان نے نیویارک میں اقوام متحدہ کی 77ویں جنرل اسمبلی کے موقع پر اسرائیل کے عبوری وزیراعظم یائر لاپڈ کے ساتھ ایک اہم ملاقات کی ہے۔ ترک صدر طیب اردوگان کی اسرائیل کے موجودہ وزیراعظم سے یہ پہلی ملاقات ہے۔
یاد رہے کہ ترکی کے صدر رجب طیب اردوگان کی جانب سے اس سے قبل بھی اسرائیلی وزیراعظم اور صدور سے ملاقاتیں رہی ہیں جبکہ اسرائیل کے اعلی عہدیداروں نے متعدد مرتبہ ترکی کے سرکاری دورے بھی کئے ہیں۔ دونوں ممالک کے درمیان کئی برسوں سے دوستانہ تعلقات قائم ہیں۔
Short Link
Copied