اسلام آباد (پاک صحافت) پاکستان ٹیلی کمیونیکشن اتھارٹی (پی ٹی اے) کے سربراہ کو پاکستانی اور کشمیری سوشل میڈیا صارفین کے خلاف ‘مخصوص اقدامات’ پر قانونی کارروائی کی ہدایت جاری کر دی گئی ہے۔ ذرائع کے مطابق کمیٹی کے اجلاس کی صدارت کرتے ہوئے حیرت کا اظہار کیا اور کہا کہ پی ٹی اے حکامک ی جانب سے فیس بک انتظامیہ کے خلاف کارروائی کیوں نہیں کی جاتی اور پاکستان میں سوشل میڈیا پلیٹ فارم کو حکومتی ہدایات پر عمل نہ کرنے پر بلاک کیوں نہیں کیا جاتا۔
تفصیلات کے مطابق وزارت خارجہ کے عہدیداران اور کل جماعتی حریت کانفرنس کا ایک وفد اور دیگر بھی اس اجلاس میں شریک تھے۔ کمیٹی نے متفقہ طور پر 2 قراردادوں کی منظوری دی جن میں مقبوضہ جموں و کشمیر پر بھارتی جارحیت اور فوجیوں کی تعیناتی اور کینیڈا میں ایک مسلم خاندان پر دہشتگرد حملے کی مذمت کی گئی۔
واضح رہے کہ کمیٹی کو پی ٹی اے چیئرمین میجر جنرل ریٹائرڈ عامر عظیم باجوہ نے بریفننگ دیتے ہوئے پاکستانی صارفین کے اکاؤنٹس اور پیجز کو حال ہی معطل کرنے پر فیس بک انتظامیہ کے خلاف اقدامات سے آگاہ کیا۔ اس موقع پر کشمیر کمیٹی کے چیئرمین نے پی ٹی اے سربراہ سے پوچھا کہ فیس بک اور ٹوئٹر انتظامیہ نے اب تک پاکستان میں اپنے دفاتر کیوں نہیں کھولے۔ حریت کانفرنس کے کنونیر سید فیض نقش بندی نے شہریار آفریدی کی ہدایات کو سراہتے ہوئے کہا کہ کشمیری حکومت پاکستان کی سفارتی حمایت پر خوش ہیں۔