گوجرانوالہ (پاک صحافت) مقامی عدالت نے رانا ثناءاللہ کو مقدمے سے بری کر دیا، وزیراعظم کے مشیر کے خلاف پولیس اہلکاروں پر گاڑی چڑھانے کا کیس تھا۔
تفصیلات کے مطابق گوجرانوالہ میں ڈسٹرکٹ اینڈ سیشن کورٹ میں مسلم لیگ ن کے سینئر رہنما رانا ثناءاللہ کے خلاف پولیس اہلکاروں پر گاڑی چڑھانے کے مقدمے کی سماعت ہوئی۔ جوڈیشل مجسٹریٹ سدرہ گل نواز نے کیس کی سماعت کرتے ہوئے رانا ثنا اللہ کومقدمے سے بری کردیا، سرکاری وکیل ملزم کے مقدمہ میں ملوث ہونے پرثبوت پیش نہ کرسکا۔
ذرائع کے مطابق ملزم کی جانب سے چودھری ماجد ایڈووکیٹ عدالت میں پیش ہوئے تھے۔ وزیراعظم کے مشیر رانا ثناءاللہ کے خلاف پی ڈی ایم جلسہ کے موقع پر پولیس اہلکاروں پر گاڑی چڑھانے کے الزام پر پولیس کی مدعیت میں اکتوبر 2020ء میں تھانہ سیٹلائٹ ٹاؤن میں مقدمہ درج کیا گیا تھا۔
Short Link
Copied