اسلام آباد (پاک صحافت) قومی اسمبلی کی ہاؤس بزنس ایڈوائزری کمیٹی کا اجلاس ہوا، جس میں 13 ویں اجلاس کے ایجنڈے اور دورانیے پر تبادلہ خیال کیا گیا۔
تفصیلات کے مطابق اجلاس سپیکر قومی اسمبلی سردار ایاز صادق کی صدارت میں منعقد ہوا، کمیٹی اجلاس میں قومی اسمبلی کے موجودہ اجلاس کو 18 فروی بروز منگل تک جاری رکھنے کا فیصلہ کیا گیا۔ قومی اسمبلی کے 13 ویں اجلاس میں وقفہ سوالات اور عوامی فلاح و بہبود سے متعلق قانون سازی کو زیر بحث لایا جائے گا۔
ذرائع کے مطابق کمیٹی اجلاس میں ممبران قومی اسمبلی طارق فضل چودھری، محترمہ نزہت صادق، سید نوید قمر، اعجاز جاکھرانی، محترمہ شہلا رضا، سید حفیظ الدین، ریاض فتیانہ، اعجاز الحق، پولین بلوچ، خالد حسین مگسی نے شرکت کی۔
اجلاس میں محترمہ زرتاج گل، ملک عامر ڈوگر، نور عالم خان، گل اصغر خان بھی شریک تھے۔