لاہور (پاک صحافت) گورنر پنجاب سردار سلیم حیدر خان نے کہا ہے کہ پی ٹی آئی والے چند ووٹوں کے لئے ملک کا نقصان نہ کریں۔
تفصیلات کے مطابق تقریب سے خطاب کرتے ہوئے سردار سلیم حیدر خان نے کہا ہے کہ پی پی رہنما کارکنوں کے گھروں میں جائیں، ہم نے مایوسیوں کو ختم کرنا ہے، ہم پر فرض ہے کہ بلاول بھٹو کو وزیراعظم بنانا ہے۔ ملک کے مسائل کے حل صرف بھٹو خاندان کے پاس ہیں، بلاول بھٹو میں نانا اور والدہ والا کرنٹ ہے ، وہ اپنی والدہ کے مشن کو آگے لے کر جائیں گے، موجودہ صورتحال میں اگر حکومت چل رہی تو وہ آصف زرداری کر مرہون منت ہے۔
گورنر پنجاب سلیم حیدر خان کا مزید کہنا تھا کہ پی ٹی آئی والے اپنے چند ووٹوں کے لئے ملک کا نقصان نہ کریں ، یہ واحد ملک ہے جو کلمہ کی بنیاد پر بنا، کسی بھی مسئلے کا حل تشدد سے نہیں ہوتا، پی ٹی آئی سڑکوں پی احتجاج کے بجائے مذاکرات، اسمبلی میں بحث کریں۔
انہوں نے کہا کہ بشری بی بی نے دوست اسلامی ملک پر جھوٹا الزام لگایا، ہر مشکل وقت میں سعودی عرب نے ہماری مدد کی، بشری بی بی کے بیان سے ان کی پارٹی اور عوام بھی شرمندہ ہے، میں پارٹی اور اپنی طرف سے اس بیان کی مذمت کرتا ہوں۔