اسلام آباد (پاک صحافت) ایران کے وزیرِ خارجہ سید عباس عراقچی 2 روزہ سرکاری دورے پر آج پاکستان پہنچیں گے۔ ایرانی وزیر خارجہ دورہ پاکستان کے دوران اعلی حکام سے ملاقاتیں کریں گے۔
تفصیلات کے مطابق دفترِ خارجہ کے ترجمان کا کہنا ہے کہ ایرانی وزیرِ خارجہ وزیرِ اعظم شہباز شریف اور نائب وزیرِ اعظم اسحاق ڈار سے ملاقات کریں گے۔ ترجمان دفترِ خارجہ کا کہنا ہے کہ ایرانی وزیرِ خارجہ مشرقِ وسطیٰ کی صورتِ حال اور دو طرفہ تعلقات پر مشاورت کریں گے۔
واضح رہے کہ یہ دورہ پاک ایران تجارت، توانائی اور سلامتی سمیت تعاون کو آگے بڑھانے کا ایک اہم موقع ہے۔ خیال رہے کہ اپنا منصب سنبھالنے کے بعد یہ ان کا پہلا دورہ پاکستان ہو گا۔
Short Link
Copied