پشاور (پاک صحافت) گورنر خیبرپختونخوا فیصل کریم کنڈی کا کہنا ہے کہ قبائلی اضلاع کے ساتھ وعدہ پورا نہیں کیا گیا۔
تفصیلات کے مطابق گورنر خیبرپختونخوا فیصل کریم کنڈی نے کہا ہے کہ وزیراعظم سے ملاقات کر کے خیبرپختونخوا کے پروجیکٹس کی درخواست کی ہے۔ وفاقی حکومت نے چشمہ لیفٹ کینال کے لیے رقم مختص کی، امید ہے اس سال کینال کا سنگ بنیاد رکھیں گے۔
فیصل کریم کنڈی کا مزید کہنا تھا کہ چشمہ پروجیکٹ کی پمپنگ بڑھا کر زیادہ زمین کو سیراب کرسکیں گے، منصوبے سے خیبر پختونخوا پورے ملک اور افغانستان کو گندم فراہم کرسکے گا۔ چشمہ لیفٹ کینال کے لیے وفاقی حکومت نے 17 ارب رکھے ہیں، صوبائی حکومت نے بھی چشمہ لیفٹ کینال بجٹ رکھا ہے۔
انہوں نے کہا کہ لیفٹ کینال کا ایریا بڑھا کر زیادہ زمین سیراب کرسکتے ہیں، چکدرہ دیرچترال موٹروے کو بھی جلد شروع کرائیں گے۔ فاٹا اور پاٹا ٹیکسز کے لیے وزیراعظم نے کمیٹی قائم کی، قبائلی اضلاع کے ساتھ وعدہ پورا نہیں کیا گیا۔