لاہور (پاک صحافت) گندم اسکینڈل کی جوڈیشل انکوائری کے لیے دائر درخواست پر لاہور ہائی کورٹ نے پنجاب حکومت کو جواب داخل کرانے کے لیے 20 مئی تک مہلت دے دی۔
تفصیلات کے مطابق جسٹس شاہد کریم نے جوڈیشل ایکٹوزم پینل کی درخواست پر سماعت کی۔ درخواست گزار کے وکیل نے عدالت کو بتایا کہ نگراں حکومت نے وافر اسٹاک ہونے کے باوجود گندم درآمد کی۔
وکیل نے استدعا کی کہ گندم درآمد کرانے کی جوڈیشل انکوائری کرائی جائے، ذمے داران کا تعین کر کے قانون کے مطابق کارروائی کی جائے۔ پنجاب حکومت کے وکیل نے جواب داخل کرانے کے لیے مہلت کی استدعا کی۔